എന്‍റെ കര്‍ത്താവും എന്‍റെ ദൈവവുമേ എന്നു സത്യവിശ്വാസ പ്രഖ്യാപനം നടത്തിയ കര്തൃ ശിഷ്യന്‍ പരിശുദ്ധ മാര്‍ത്തോമ്മാ ശ്ലീഹായുടെ തൃക്കരങ്ങള്‍ക്കൊണ്ട് ഭാരത മണ്ണില്‍ ജന്മമെടുത്ത മലങ്കര സഭ സത്യവിശ്വാസത്തില്‍ നിലനില്‍ക്കുന്നു....മാര്‍ത്തോമ്മാ ശ്ലീഹാ മൈലാപ്പൂരില്‍ ചിന്തിയ രക്തത്തില്‍നിന്നും ഉയിര്‍കൊണ്ട പൌരസ്ത്യ ദേശത്തെ പരിശുദ്ധ സഭ....ഈ സഭയും ഞാനും കാതോലിക്കാ സിംഹാസനത്തോടുള്ള അചന്ജലമായ കൂറിലും, സത്യവിശ്വാസത്തിലും, വിശ്വസ്തതയിലും നിലനില്‍ക്കുന്നു......എന്റെ സഭ സ്വതന്ത്ര സഭയാണ്. അതിന്റെ സ്വാതന്ത്ര്യവും,സ്വയംശീര്‍ഷകത്വവും,അഖണ്ഡതയും ആര്‍ക്കും അടിയറവെക്കില്ല....തലമുറകളില്‍നിന്നും തലമുറകളിലേക്ക് പിതാക്കന്മാര്‍ കൈമാറിത്തന്ന പാരമ്പര്യവും, വിശ്വാസവും, കാതോലിക്കേറ്റ് എന്ന ആ മഹാനിധിയുടെ മലങ്കരയിലുള്ള പരമാധികാരവും ആരുടെ മുന്നിലും മുട്ടുമടക്കില്ല....ജനിച്ചവര്‍ക്കു കരുത്തുള്ളടത്തോളം,അമ്മയുടെ ഉദരത്തില്‍ ജീവന്‍റെ തുടിപ്പുള്ളടത്തോളം കാതോലിക്കാ കനക സിംഹാസനം പ്രാണന്‍റെ പ്രാണനായി കണ്ണിലെ കൃഷ്ണമണി പോലെ പരിപാലിക്കും....
മാര്‍ത്തോമ്മാ ശ്ലീഹായുടെ ശ്ലൈഹിക സിംഹാസനം........നീണാള്‍ വാഴട്ടെ.........ജയ് ജയ് കാതോലിക്കോസ്

Mar 3, 2010

ഓര്‍ത്തഡോക്സ് സഭയില്‍ വിവാഹപൂര്‍വ്വ കൌണ്‍സിലിംഗ് നിര്‍ബ്ബന്ധമാക്കും



മലങ്കര ഓര്‍ത്തഡോക്സ് സുറിയാനി സഭയില്‍ വിവാഹിതരാകാന്‍ ഒരുങ്ങുന്ന യുവതി യുവാക്കള്‍ക്ക് വിവാഹ പൂര്‍വ്വ കൌണ്‍സലിംഗ് നിര്‍ബ്ബന്ധമാക്കണമെന്ന മിനിസ്ട്രി ഓഫ് ഹ്യൂമന്‍ എംപവ്വര്‍മെന്റിന്റെ നിര്‍ദ്ദേശം സഭാ സുന്നഹദോസ് അംഗീകരിച്ചു. പല ഭദ്രാസനങ്ങളിലും ഇപ്പോള്‍ കൌണ്‍സലിംഗ് കോഴ്സുകള്‍ നടക്കുന്നുണ്ടെങ്കിലും ഏകീകൃത പാഠ്യപദ്ധതി അനുസരിച്ചുള്ള വിവാഹപൂര്‍വ്വ കൌണ്‍സിലിംഗ് കോഴ്സ് സഭയുടെ 26 ഭദ്രാസനങ്ങളിലും നടപ്പാക്കുകയാണ് ഇതിന്റെ ലെക്ഷ്യം. . കൌണ്‍സിലിംഗിനായി ഭദ്രാസനതല ഫാമിലി സെന്ററുകള്‍ ആരംഭിക്കുകയും വേദശാസ്ത്ര - മനഃശാസ്ത്ര വിദഗ്ദ്ധരുടെയും ഡോക്ടര്‍മാരുടെയും നേതൃത്വത്തില്‍ കൌണ്‍സലിംഗ് സംഘടിപ്പിക്കുകയും ചെയ്യും

Source : orthodoxchurch.in