അറുപത്തഞ്ചാം ജന്മദിനം ആഘോഷിക്കുന്ന ശ്രേഷ്ഠ നിയുക്ത കാതോലിക്ക അഭി. പൌലോസ് മാര്‍ മിലിത്തിയോസ് മെത്രാപ്പോലീത്തായ്ക്ക് മലങ്കര സഭ ബ്ലോഗിന്റെ ജന്മദിന ആശംസകള്‍.Click here to wish Thirumeni
Aug 29, 2010
ജന്മദിന ആശംസകള്‍
അറുപത്തഞ്ചാം ജന്മദിനം ആഘോഷിക്കുന്ന ശ്രേഷ്ഠ നിയുക്ത കാതോലിക്ക അഭി. പൌലോസ് മാര്‍ മിലിത്തിയോസ് മെത്രാപ്പോലീത്തായ്ക്ക് മലങ്കര സഭ ബ്ലോഗിന്റെ ജന്മദിന ആശംസകള്‍.
Aug 26, 2010
OVBS 2011 : Songs invited
ഓര്ത്തഡോക്സ് വെക്കേഷന്‍ ബൈബിള്‍ സ്കൂള്‍ 2011-ലേക്കുള്ള ഗാനങ്ങള്‍ ക്ഷണിച്ചു.
നമുക്ക് മാതാപിതാക്കളെ അനുസരിക്കാം എന്നതാണു ചിന്താവിഷയം. ഈ വിഷയത്തെ ആസ്പദമാക്കിയോ അല്ലാതെയോ കുട്ടികളുടെ അഭിരുചിക്ക് ഇണങ്ങുന്ന ഗാനങ്ങള്‍ സിഡിയില്‍ റിക്കോര്‍ഡ് ചെയ്തോ വരികള്‍ എഴുതിയതു മാത്രമായോ താഴപ്പെറയുന്ന വിലാസത്തില്‍ സെപ്റ്റംബര്‍ 30നു മുമ്പ് അയയ്ക്കുക. ഡയറക്ടര്‍ , (ഒ.വി.ബി.എസ്.) സണ്‍ഡേസ്കൂള്‍ കേന്ദ്ര ഓഫീസ്, ദേവലോകം, കോട്ടയം - 38. ഗാനങ്ങള്‍ ഏതു ഭാഷയില്‍ ഉള്ളവയും ആവാം. വിവരങ്ങള്‍ക്ക് 09446448215
Download 2010 songs and Image Courtesy @ OVBS 2010
Read Original News @ Catholicate News
Aug 3, 2010
ഓര്‍മ്മപ്പെരുന്നാള്‍ - Aug 2010
" ശ്രേഷ്ടാചാര്യ മശിഹ കൂദാശകളര്‍പ്പിച്ചോ-
ആചാര്യന്‍മാര്‍ക്കേകുക പുണ്യം നാഥാ സ്തോത്രം"
ആചാര്യന്‍മാര്‍ക്കേകുക പുണ്യം നാഥാ സ്തോത്രം"
റാന്നി-പെരുന്നാട് ബഥനി ആശ്രമത്തില്‍ കബറടങ്ങിയിരിക്കുന്ന അലക്സിയോസ് മാര്‍ തേവോദോസിയോസ്, യൂഹോനോന്‍ മാര്‍ അത്താനാസിയോസ് എന്നീ തിരുമേനിമാരുടെ സംയുക്ത ഓര്‍മ്മപ്പെരുന്നാള്‍ ഓഗസ്റ് 5-6 (വ്യാഴം, വെള്ളി) തീയതികളില്‍ ഭക്തിയാദരപൂര്‍വ്വം ആഘോഷിക്കുന്നു.
Read Details @ Catholicate News
Church web site & Photo courtesy :St:Thomas Orthodox Church
Diocese allocated for new Bishpos
പുതുതായി വാഴിക്കപെട്ട മെത്രാപോലീത്തമാര്‍ക്ക് മെത്രാസനങ്ങള്‍ താഴെ പറയുന്ന പ്രകാരം വിഭജിച്ചു നല്‍കി
1. ഡോ. യൂഹാനോന്‍ മാര്‍ ദിമത്രിയോസ് - (ഡല്‍ഹി സഹായ മെത്രാപ്പോലീത്താ)
2. ഡോ. യൂഹാനോന്‍ മാര്‍ തേവോദോറോസ് - (കൊട്ടാരക്കര - പുനലൂര്‍)
3. യാക്കോബ് മാര്‍ ഏലിയാസ് - (ബ്രഹ്മവാര്‍ മെത്രാസനം)
4. ജോഷ്വാ മാര്‍ നിക്കോദീമോസ് - (നിലയ്ക്കല്‍ മെത്രാസനം)
5. ഡോ. സഖറിയാസ് മാര്‍ അപ്രേം - (അടൂര്‍ കടമ്പനാട് മെത്രാസനം)
6. ഡോ. ഗീവര്‍ഗീസ് മാര്‍ യൂലിയോസ് - (അഹമ്മദാബാദ് മെത്രാസനം)
7. ഡോ. ഏബ്രഹാം മാര്‍ സെറാഫിം - (ബാംഗ്ളൂര്‍ മെത്രാസനം)
ഡോ. സഖറിയാസ് മാര്‍ അപ്രേം മെത്രാപ്പോലീത്താ പരിശുദ്ധ കാതോലിക്കാ ബാവായുടെ പ്രിന്‍സിപ്പല്‍ സെക്രട്ടറിയായി തുടരുന്നതായിരിക്കും.
Aug 1, 2010
K.M Mathew Passed away
വര്‍ക്കിംഗ്‌ കമ്മിറ്റി ഉള്‍പ്പെടെ മലങ്കര ഓര്ത്തഡോക്സ് സഭയുടെ ഉന്നത ഭരണസമിതികളില്‍ അംഗമായിരിക്കുകയും, മലയാള മനോരമയുടെ മുഖ്യപത്രാധിപരും പത്രലോകത്തെ കുലപതികളില്‍ ഒരാളുമായ കെ.എം. മാത്യു (93) അന്തരിച്ചു. ഇന്നലെ പുലര്‍ച്ചെ ആറുമണിയോടെ കോട്ടയത്തിനു സമീപം കഞ്ഞിക്കുഴിയിലെ വസതിയിലായിരുന്നു അന്ത്യം. വാര്‍ധ്യകസഹജമായ അസുഖങ്ങളെത്തുടര്‍ന്നു വിശ്രമജീവിതം നയിച്ചു വരികയായിരുന്നു. . മൃതദേഹം ഉച്ചയ്‌ക്ക് ഒരു മണിക്കു കോട്ടയം മലയാള മനോരമ ഓഫീസില്‍ പൊതുദര്‍ശനത്തിനു വയ്‌ക്കും.
കോട്ടയത്തെ കണ്ടത്തില്‍ കുടുംബത്തില്‍ കെ. സി. മാമ്മന്‍ മാപ്പിളയുടെയും കുഞ്ഞാണ്ടമ്മയുടെയും മകനായി 1917 ജനുവരി രണ്ടിന് ജനിച്ചു. കുട്ടനാട്ടില്‍ കുപ്പപ്പുറത്തെ സ്കൂളില്‍ പ്രാഥമിക വിദ്യാഭ്യാസം.ആലപ്പുഴ ലിയോ തേര്‍ട്ടീന്ത് സ്കൂളിലും കോട്ടയം എംഡി സെമിനാരി ഹൈസ്കൂളിലുമായി പഠനം തുടര്‍ന്നു. കോട്ടയം സിഎംഎസ് കോളജില്‍ ഇന്റര്‍മീഡിയറ്റിനു ശേഷം ചെന്നൈയിലെ മദ്രാസ് ക്രിസ്ത്യന്‍ കോളജില്‍ സാമ്പത്തിക ശാസ്ത്രത്തില്‍ ബിരുദപഠനം. മലയാള മനോരമയില്‍ മാനേജിങ് എഡിറ്ററും ജനറല്‍ മാനേജരുമായി ചുമതലയേല്‍ക്കുന്നത് 1954 ലാണ്. കെ.എം ചെറിയാന്റെ നിര്യാണത്തെ തുടര്‍ന്ന് 1973 മുതല്‍ ചീഫ് എഡിറ്ററാണ്.
ഇന്ത്യന്‍ ന്യൂസ് പേപ്പര്‍ സൊസൈറ്റി പ്രസിഡന്റ്, പ്രസ് ട്രസ്റ്റ് ഓഫ് ഇന്ത്യ ചെയര്‍മാന്‍, പ്രസ് ഇന്‍സ്റ്റിറ്റ്യൂട്ട് ഒാഫ് ഇന്ത്യയുടെയും റിസര്‍ച്ച് ഇന്‍സ്റ്റിറ്റ്യൂട്ട് ഫോര്‍ ന്യൂസ് പേപ്പര്‍ ഡവലപ്മെന്റിന്റെയും സ്ഥാപക ട്രസ്റ്റിയും ചെയര്‍മാനും, സെന്‍ട്രല്‍ പ്രസ് അഡ്വൈസറി കമ്മിറ്റി അംഗം, പ്രസ് കൌണ്‍സില്‍ ഓഫ് ഇന്ത്യ അംഗം , ഓഡിറ്റ് ബ്യൂറോ ഓഫ് സര്‍ക്കുലേഷന്‍സിന്റെ ചെയര്‍മാന്‍, ഫെഡറേഷന്‍ ഓഫ് ഇന്റര്‍നാഷനല്‍ ന്യൂസ് പേപ്പര്‍ പബ്ളിഷേഴ്സ് ആന്‍ഡ് എഡിറ്റേഴ്സിന്റെ എക്സിക്യൂട്ടീവ് കമ്മിറ്റി അംഗം എന്നീ നിലകളില്‍ പ്രവര്‍ത്തിച്ചു. ഇന്റര്‍നാഷണല്‍ പ്രസ് ഇന്‍സ്റ്റിറ്റ്യൂട്ടിന്റെ കണ്‍സല്‍ട്ടന്റ് എന്ന നിലയില്‍ വിദേശരാജ്യങ്ങളിലെ ഒട്ടേറെ പത്രങ്ങളുടെ ഉപദേശകനായി.
മലയാള മനോരമയെ ഇന്ത്യന്‍ ഭാഷാ പത്രങ്ങളുടെ മുന്‍നിരയിലെത്തിച്ച കഠിനാധ്വാനിയും ദീര്‍ഘവീക്ഷണവും ഉള്ള വ്യക്തിയായിരുന്നു കെ.എം.മാത്യുവെന്ന് രാഷ്ട്രപതി അനുശോചനസന്ദേശത്തില്‍ അനുസ്മരിച്ചു. പ്രധാനമന്ത്രി മന്‍മോഹന്‍ സിങ്, യുപിഎ അധ്യക്ഷ സോണിയ ഗാന്ധി എന്നിവരും അദ്ദേഹത്തിന്‍റെ നിര്യാണത്തില്‍ അനുശോചിച്ചു.
സംസ്കാരം ഇന്ന് നാലു മണിക്ക് പ. കാതോലിക്കാബാവയുടെയും മറ്റു അഭി. മെത്രപ്പോലീത്താമാരുടെയും സാന്നിധ്യത്തില്‍ കോട്ടയം പുത്തന്‍ പള്ളിയില്‍ സംസ്കാര ചടങ്ങുകളുടെ തല്‍സമയ സംപ്രേഷണം ഗ്രിഗോറിയന്‍ ടിവിയിലൂടെ സംപ്രേഷണം ചെയ്യുന്നതായിരിക്കും.
മലങ്കരസഭാ ബ്ലോഗിന്റെ ആദരാജ്ഞലികള്‍
Updated on 3rd Aug, 2010
കെ.എം. മാത്യു ഇനി ദീപ്‌തസ്‌മരണ
മലയാളമാധ്യമലോകത്തെ കുലപതിക്ക്‌ അക്ഷരനഗരി കണ്ണീരോടെ വിടയേകി. കോട്ടയം പുത്തന്‍പളളിയില്‍ നടന്ന സംസ്‌കാരച്ചടങ്ങില്‍ ഓര്ത്തഡോക്സ് സഭയുടെ പരമാധ്യക്ഷന്‍ പരിശുദ്ധ ബസേലിയോസ്‌ മാര്‍ത്തോമ്മാ ദിദിമോസ്‌ പ്രഥമന്‍ കാതോലിക്കാ ബാവ മുഖ്യകാര്‍മികത്വം വഹിച്ചു. പൂര്‍ണ സംസ്‌ഥാന ബഹുമതികളോടെയായിരുന്നു സംസ്കാരം. വൈകിട്ട്‌ മൂന്നുമണിയോടെ മൃതദേഹം വിലാപയാത്രയായി കോട്ടയം പുത്തന്‍പള്ളിയില്‍ എത്തിച്ചു. പള്ളിയിലെ ശുശ്രൂഷകള്‍ക്കുശേഷം വൈകിട്ട്‌ 4.30 ന്‌ കുടുംബക്കല്ലറയില്‍ സംസ്‌കരിച്ചു. കാതോലിക്കാബാവയ്‌ക്കു പുറമേ ഓര്ത്തഡോക്സ് സഭയിലെ മുഴുവന്‍ മെത്രാപ്പൊലീത്താമാരും സംസ്കാര ശുശ്രൂഷയില്‍ പങ്കെടുത്തു.
ഓര്ത്തഡോക്സ് സഭയ്‌ക്കു വേണ്ടി ശ്രേഷ്ഠ നിയുക്ത കാതോലിക്കാ പൗലോസ്‌ മാര്‍ മിലിത്തിയോസ് അനുസ്‌മരണ പ്രസംഗം നടത്തി
Source : News Papers, Catholicate news
Subscribe to:
Posts (Atom)