എന്‍റെ കര്‍ത്താവും എന്‍റെ ദൈവവുമേ എന്നു സത്യവിശ്വാസ പ്രഖ്യാപനം നടത്തിയ കര്തൃ ശിഷ്യന്‍ പരിശുദ്ധ മാര്‍ത്തോമ്മാ ശ്ലീഹായുടെ തൃക്കരങ്ങള്‍ക്കൊണ്ട് ഭാരത മണ്ണില്‍ ജന്മമെടുത്ത മലങ്കര സഭ സത്യവിശ്വാസത്തില്‍ നിലനില്‍ക്കുന്നു....മാര്‍ത്തോമ്മാ ശ്ലീഹാ മൈലാപ്പൂരില്‍ ചിന്തിയ രക്തത്തില്‍നിന്നും ഉയിര്‍കൊണ്ട പൌരസ്ത്യ ദേശത്തെ പരിശുദ്ധ സഭ....ഈ സഭയും ഞാനും കാതോലിക്കാ സിംഹാസനത്തോടുള്ള അചന്ജലമായ കൂറിലും, സത്യവിശ്വാസത്തിലും, വിശ്വസ്തതയിലും നിലനില്‍ക്കുന്നു......എന്റെ സഭ സ്വതന്ത്ര സഭയാണ്. അതിന്റെ സ്വാതന്ത്ര്യവും,സ്വയംശീര്‍ഷകത്വവും,അഖണ്ഡതയും ആര്‍ക്കും അടിയറവെക്കില്ല....തലമുറകളില്‍നിന്നും തലമുറകളിലേക്ക് പിതാക്കന്മാര്‍ കൈമാറിത്തന്ന പാരമ്പര്യവും, വിശ്വാസവും, കാതോലിക്കേറ്റ് എന്ന ആ മഹാനിധിയുടെ മലങ്കരയിലുള്ള പരമാധികാരവും ആരുടെ മുന്നിലും മുട്ടുമടക്കില്ല....ജനിച്ചവര്‍ക്കു കരുത്തുള്ളടത്തോളം,അമ്മയുടെ ഉദരത്തില്‍ ജീവന്‍റെ തുടിപ്പുള്ളടത്തോളം കാതോലിക്കാ കനക സിംഹാസനം പ്രാണന്‍റെ പ്രാണനായി കണ്ണിലെ കൃഷ്ണമണി പോലെ പരിപാലിക്കും....
മാര്‍ത്തോമ്മാ ശ്ലീഹായുടെ ശ്ലൈഹിക സിംഹാസനം........നീണാള്‍ വാഴട്ടെ.........ജയ് ജയ് കാതോലിക്കോസ്

Dec 21, 2011

യൂഹാനോന്‍ മാര്‍ ദിമെത്രിയോസ്‌ ഡല്‍ഹി ഭദ്രാസന മെത്രാപ്പോലീത്ത


മലങ്കര സഭയുടെ ഡല്‍ഹി ഭദ്രാസന മെത്രാപ്പോലീത്തയായി ഡോ. യൂഹാനോന്‍ മാര്‍ ദിമെത്രിയോസിനെ നിയമിക്കണമെന്ന്‌ പഴയസെമിനാരിയില്‍ കൂടിയ മാനേജിംഗ്‌ കമ്മറ്റി യോഗം ശിപാര്‍ശചെയ്‌തു.

പരിശുദ്ധ ബസേലിയോസ്‌ മാര്‍ത്തോമ്മാ പൗലോസ്‌ ദ്വിതീയന്‍ കാതോലിക്കാ ബാവാതിരുമേനിയുടെ അധ്യക്ഷതയില്‍ കൂടിയ യോഗം ഈയ്യോബ്‌ മാര്‍ പീലക്‌സീനോസ്‌ മെത്രാപ്പോലീത്ത, റവ. കെ.ജി. ഗീവര്‍ഗീസ്‌ കോര്‍ എപ്പിസ്‌കോപ്പ, ഫാ. കെ.വി. ഗീവര്‍ഗീസ്‌ എന്നിവരുടെ വേര്‍പാടില്‍ അനുശോചിച്ചു. ജനങ്ങളുടെ ജീവനും സ്വത്തിനും ഭീഷണിയായ മുല്ലപ്പെരിയാര്‍ വിഷയം കേന്ദ്രസര്‍ക്കാര്‍ ഇടപെട്ട്‌ രമ്യമായി പരിഹരിക്കണമെന്ന്‌ അഭ്യര്‍ഥിച്ചു. തൃശൂര്‍ സീതാറാം ടെക്‌സൈ്‌റ്റല്‍സ്‌ കോര്‍പറേഷന്‍ ചെയര്‍മാനായി നിയമിതനായ ജേക്കബ്‌ തോമസ്‌ അരികുപുറം, കേരള ലാന്റ്‌ ഡവലപ്പ്‌മെന്റ്‌ കോര്‍പറേഷന്‍ ചെയര്‍മാനായി നിയമിതനായ ബെന്നി കക്കാട്‌ എന്നിവരെ അനുമോദിച്ചു.


കുര്യാക്കോസ്‌ മാര്‍ ക്ലീമീസ്‌, സഖറിയാ മാര്‍ അന്തോണിയോസ്‌, മാത്യൂസ്‌ മാര്‍ തേവോദോസിയോസ്‌, ഡോ. ജോസഫ്‌ മാര്‍ ദിവന്നാസിയോസ്‌, ഏബ്രഹാം മാര്‍ എപ്പിഫാനിയോസ്‌, ഡോ. മാത്യൂസ്‌ മാര്‍ തീമോത്തിയോസ്‌, ഡോ. യൂഹാനോന്‍ മാര്‍ ദീയസ്‌കോറോസ്‌, ഡോ. സഖറിയാസ്‌ മാര്‍ അപ്രേം എന്നീ മെത്രാപ്പോലിത്തമാരും, വൈദിക ട്രസ്‌റ്റി ഫാ. ഡോ. ജോണ്‍സ്‌ ഏബ്രഹാം കോനാട്ട്‌, അല്‍മായ ട്രസ്‌റ്റി എം.ജി. ജോര്‍ജ്‌ മുത്തൂറ്റ്‌ എന്നിവര്‍ പ്രസംഗിച്ചു.

Dec 17, 2011

ഗ്ലോറിയ 2011 ക്രിസ്തുമസ് കലാസന്ധ്യ കടമ്മനിട്ടയില്‍

കടമ്മനിട്ട ഓര്ത്തഡോക്സ് യുവജന പ്രസ്ഥാനം ഒരുക്കുന്ന ക്രിസ്തുമസ് കലാസന്ധ്യ "ഗ്ലോറിയ 2011 " ഡിസംബര് 25 നു വൈകിട്ട് 6 മുതല് 9 .30 വരെ ഇടവക ഓഡിറ്റോറിത്തില് വച്ചു നടക്കും. ശ്രുതി മധുരമായ ഗാനങ്ങള്, ഡാന്സ്, ഇടവകയിലെ സണ്‍‌ഡേ സ്കൂള് കുട്ടികള് സംവിധാനം നിര്വഹിച്ച നാടകം, യുവജന പ്രസ്ഥാനം ഒരുക്കുന്ന ഹാസ്യപരിപാടി, മാജിക് ഷോ, മാര്ഗംകളി എന്നിവ കലാസന്ധ്യയെ അനുഗ്രഹീതമാക്കും. പരിപാടിയുടെ ലൈവ് സ്ട്രീമിംഗ്  tv.kadammanittapally.com ഉണ്ടായിരിക്കും

Dec 9, 2011

'ഗ്രിഗോറിയന്‍ വിഷന്‍' പ്രകാശനം ചെയ്‌തു


പൗലോസ്‌ മാര്‍ ഗ്രിഗോറിയോസിന്റെ ചിന്താലോകത്തെ പുതിയ തലമുറയ്‌ക്ക് പരിചയപ്പെടുത്തിക്കൊടുക്കുന്ന 'ഗ്രിഗോറിയന്‍ വിഷന്‍' എന്ന പുതിയ പുസ്‌തകം നവംബര്‍ 24 നു കോയത്ത്‌ ഓര്‍ത്തോഡോക്‌സ് തിയോളോജിക്കല്‍ സെമിനാരിയില്‍ പ്രകാശനം ചെയ്‌തു. ഇന്ത്യയിലെ ഓര്‍ത്തോഡോക്‌സ് സഭയുടെ പരമാധ്യക്ഷനായ ബസേലിയോസ്‌ പൌലോസ്‌ കാതോലിക്ക ബാവയാണ്‌ പുസ്‌തക പ്രകാശനം നിര്‍വഹിച്ചത്‌. ഗ്രിഗോറിയന്‍ സ്‌റ്റഡി സര്‍ക്കിള്‍ സ്‌ഥാപിക്കുകയും അതിലൂടെ അനേക വര്‍ഷങ്ങളായി ഗ്രിഗോറിയോസ്‌ മെത്രാപ്പോലീത്തായുടെ ചിന്തകളെ പ്രചരിപ്പിക്കുകയും ചെയ്‌തുകൊണ്ടിരിക്കുന്ന ശ്രീ ജോണ്‍ കുന്നത്ത്‌ ആണ്‌ ഗ്രന്ഥകര്‍ത്താവ്‌.


ഓര്‍ത്തോഡോക്‌സ് വൈദിക സെമിനാരിയുടെ പ്രധാനാധ്യാപകനും ദൈവശാസ്‌ത്ര പണ്ഡിതനുമായ കെ. എം. ജോര്‍ജാണ്‌ പുസ്‌തകത്തിന്റെ അവതാരിക രചിച്ചിരിക്കുന്നുത്‌. ഓര്‍ത്തോഡോക്‌സ് വൈദിക സെമിനാരിയുടെ പ്രധാനാധ്യാപകനായ ബിജേഷ്‌ ഫിലിപ്പ്‌, ഗാന്ധിയന്‍ ചിന്തകനായ എം. പി. മത്തായി, ഡോക്‌ടര്‍ ജോസഫ്‌ തോമസ്‌, മെത്രാപ്പോലീത്ത യൂഹാനോന്‍ മാര്‍ ദിയസ്‌കൊറോസ്‌ എന്നിവര്‍ ചടങ്ങില്‍ പങ്കുചേര്‍ന്നു.

Dec 3, 2011

ഓര്‍മ്മ പെരുന്നാളുകള്‍ ‍ - Dec 2011

" ശ്രേഷ്ടാചാര്യ മശിഹ കൂദാശകളര്‍പ്പിച്ചോ-
ആചാര്യന്‍മാര്‍ക്കേകുക പുണ്യം നാഥാ സ്തോത്രം"

പൗരസത്യ കാതോലിക്കായും മലങ്കര മെത്രാപ്പോലീത്തായും ആയിരുന്ന പരിശുദ്ധ ബസേലിയോസ് ഔഗേന്‍ പ്രഥമന്‍ ബാവായുടെ 36-ാമത് ഓര്‍മ്മ പെരുന്നാള്‍ ഡിസംബര്‍ 7, 8 തീയതികളില്‍ ദേവലോകം കാതോലിക്കേറ്റ് അരമന ചാപ്പലില്‍ ആചരിക്കും
 
പത്തനംതിട്ട ബേസില്‍ അരമനയില്‍ കബറടങ്ങിയിരിക്കുന്ന ഡാനിയേല്‍ മാര്‍ ഫീലക്സിനോസ് മെത്രാപോലീത്തയുടെ 20 - ആം ഓര്‍മ്മപെരുന്നാള്‍ ഡിസംബര്‍ 9 -10 തീയതികളില്‍.

മലങ്കര ഓര്‍ത്തഡോക്സ് സഭയുടെ നിരണം ഭദ്രാസന മെത്രാപ്പോലീത്തയും മൌണ്ട് താബോര്‍ ദയറായുടെയും വിദ്യാഭ്യാസ സ്ഥാപനങ്ങളുടെയും സ്ഥാപകാദ്ധ്യക്ഷനുമായിരുന്ന തോമാ മാര്‍ ദീവന്നാസ്യോസ് മെത്രാപ്പോലീത്തായുടെ 39-ാമത് ശ്രാദ്ധപെരുന്നാളും, ദയറാ അംഗവും മദ്രാസ് ഭദ്രാസന മെത്രാപ്പോലീത്തയുമായിരുന്ന സഖറിയ മാര്‍ ദീവന്നാസ്യോസ് മെത്രാപ്പോലീത്തയുടെ 14-ാ മത് ശ്രാദ്ധപെരുന്നാളും സംയുക്തമായി പത്തനാപുരം സെന്റ് സ്റീഫന്‍സ് മൌണ്ട് താബോര്‍ ദയറാ ചാപ്പലില്‍ 2011 ഡിസംബര്‍ 2, 3 തീയതികളില്‍ ആചരിക്കും.

Dec 2, 2011

മുല്ലപ്പെരിയാര്‍ - മലങ്കര സഭ പ്രാര്‍ത്ഥനാദിനം


മുല്ലപ്പെരിയാര്‍ പ്രശ്നം തമിഴ്നാടിന് വെള്ളവും കേരളത്തിന് സുരക്ഷയും ഉറപ്പാക്കുന്ന വിധം രമ്യമായി പരിഹരിക്കുന്നതിന് അനുകൂലമായ സാഹചര്യം സംജാതമാകുന്നതിനായി ഡിസംബര്‍ 4 ഞായറാഴ്ച പള്ളികളില്‍ പ്രത്യേക പ്രാര്‍ത്ഥന നടത്തണമെന്ന് മലങ്കര സഭാ പരമാദ്ധ്യക്ഷന്‍ പരിശുദ്ധ ബസേലിയോസ് മാര്‍ത്തോമ്മാ പൌലോസ് ദ്വിതീയന്‍കാതോലിക്കാ ബാവാ ആഹ്വാനം ചെയ്തു. മുല്ലപ്പെരിയാര്‍ പ്രശ്നത്തില്‍ ഉത്കണ്ഠാകുലരായ ജനങ്ങളോട് ഐക്യദാര്‍ഢ്യം പ്രഖ്യാപിക്കുന്നതിന്  മലങ്കരസഭയുടെ പൌലോസ് മാര്‍ പക്കോമിയോസ്, മാത്യൂസ് മാര്‍ തേവോദോസിയോസ്, ഡോ. മാത്യൂസ് മാര്‍ തീമോത്തിയോസ്, ഡോ. യൂഹാനോന്‍ മാര്‍ ദീയസ്കോറോസ്, ഡോ. യൂഹാനോന്‍ മാര്‍ തോവോദോറോസ് എന്നിവരുടെ നേതൃത്വത്തിലുള്ള സഭാ പ്രതിനിധി സംഘം  മുല്ലപ്പെരിയാര്‍ സന്ദര്‍ശിച്ചു.