.jpg)
മലങ്കര സുറിയാനി ക്രിസ്ത്യാനി അസോസിയേഷന്‍ തെരഞ്ഞെടുത്ത ഏഴു മെത്രാന്മാര്‍ അഭിഷിക്തരായി. മാര്‍ ഏലിയാ കത്തീഡ്രലില്‍ പ്രത്യേകം തയാറാക്കിയ മദ്ബഹായിലാണ് മെത്രാഭിഷേക ശുശ്രൂഷ നടന്നത് . യൂഹാനോന്‍ മാര്‍ ദിമിത്രിയോസ് (ഡോ. യൂഹാനോന്‍ റമ്പാന്‍), യുഹാനോന്‍ മാര്‍ തെവോദോറോസ് (ഡോ. നഥാനിയേല്‍ റമ്പാന്‍ ), യാക്കോബ് മാര്‍ എലിയാ (യാക്കോബ് റമ്പാന്‍ ), ജോഷ്വ മാര്‍ നിക്കോദിമോസ് (യൂഹാനോന്‍ റമ്പാന്‍ ), സഖറിയാ മാര്‍ അപ്രേം (സഖറിയ റമ്പാന്‍ ), ഗീവര്‍ഗീസ് മാര്‍ യൂലിയോസ് (ഡോ. ഗീവര്‍ഗീസ് റമ്പാന്‍) , എബ്രഹാം മാര്‍ സെറാഫീന്‍ (അബ്രഹാം റമ്പാന്‍ ) എന്നിവരാണ് ഇന്ന് അഭിഷിക്തരായത് . രാവിലെ ആറിന് പ്രഭാത പ്രാര്‍ഥനയോടെ മെത്രാഭിഷേക ശുശ്രൂഷ ആരംഭിച്ചു. സഭയിലെ ഏറ്റവും ദൈര്‍ഘ്യമേറിയ ശുശ്രൂഷയാണിത്. ഏഴു മണിക്കൂര്‍ നീണ്ട ശുശ്രൂഷകള്‍ക്ക് പരിശുദ്ധ ബസേലിയോസ് മാര്‍ത്തോമ്മ ദിദിമോസ് പ്രഥമന്‍ കാതോലിക്കബാവ, ശ്രേഷ്ഠ നിയുക്ത കാതോലിക്ക പൗലോസ് മാര്‍ മിലിത്തിയോസ് എന്നിവര്‍ നേതൃത്വം നല്‍കി.സഭയ്ക്ക് ഇപ്പോള്‍ 33 മെത്രാപ്പോലീത്തമാരാണ് ഉള്ളത്
