2010 സെപ്റ്റംബര്‍ 5 ഞായറാഴ്ച മലങ്കര ഓര്‍ത്തഡോക്സ് സഭ ആകമാനം മദ്ധ്യസ്ഥ പ്രാര്‍ത്ഥനാദിനമായി ആചരിച്ചു. അഖില മലങ്കര പ്രാര്‍ത്ഥനായോഗത്തിന്റെ ആഭിമുഖ്യത്തില്‍ സെപ്റ്റംബര്‍ 5 മുതല്‍ 10 വരെ മദ്ധ്യസ്ഥ പ്രാര്‍ത്ഥനാവാരമായി കൊണ്ടാടുകയും ചെയ്യുന്നു
മദ്ധ്യസ്ഥ പ്രാര്‍ത്ഥനാവാരത്തിന്റെ സമാപനമായി അഖില മലങ്കര പ്രാര്‍ത്ഥനായോഗത്തിന്റെ നേതൃത്വത്തില്‍ 2010 സെപ്റ്റംബര്‍ 10 വെള്ളിയാഴ്ച രാവിലെ 9.30 മുതല്‍ പരുമല സെമിനാരിയില്‍ വച്ച് മദ്ധ്യസ്ഥ പ്രാര്‍ത്ഥനാ ധ്യാനം ക്രമീകരിച്ചിരിക്കുന്നു. പ്രാര്‍ത്ഥനായോഗത്തിന്റെ കേന്ദ്ര പ്രസിഡന്റ് അഭി. ഡോ. തോമസ് മാര്‍ അത്താനാസിയോസ് മെത്രാപ്പോലിത്തായുടെ അദ്ധ്യക്ഷതയില്‍ കൂടുന്ന യോഗത്തില്‍ ബ്രഹ്മവാര്‍ ഭദ്രാസന മെത്രാപ്പോലിത്ത അഭി. യാക്കോബ് മാര്‍ ഏലിയാസ് ധ്യാനം നയിക്കുന്നതുമാണ്.
