പരുമല സെമിനാരി മാനേജര്‍ ഫാ. എം.ഡി. യൂഹാനോന്‍ റമ്പാന്‍, ജേക്കബ്‌ തോമസ്‌ അരികുപുറം, തോമസ്‌ ടി. പരുമല, ജി. ഉമ്മന്‍ തുടങ്ങിയവര്‍ നേതൃത്വം നല്‍കി. ആശീര്‍വാദത്തിനുശേഷം കൊടിയിറങ്ങിയതോടെ പെരുന്നാളാഘോഷങ്ങള്‍ക്കു സമാപ്‌തിയായി. മുന്‍വര്‍ഷങ്ങളെ അപേക്ഷിച്ച്‌ കൂടുതല്‍ പദയാത്രാസംഘങ്ങള്‍ ഇക്കുറി എത്തിയതായി സെമിനാരി വൃത്തങ്ങള്‍ അറിയിച്ചു. ഇന്നലെ രാവിലെ നടന്ന വിശുദ്ധ മൂന്നിന്മേല്‍ കുര്‍ബ്ബാനയ്‌ക്ക് ബസേലിയോസ്‌ പൗലോസ്‌ ദ്വിതീയന്‍ കാതോലിക്കാ ബാവ മുഖ്യകാര്‍മ്മികത്വം വഹിച്ചു. തുടര്‍ന്ന്‌ നടന്ന കാതോലിക്കേറ്റ് ശതാബ്‌ദി ഉദ്‌ഘാടന സമ്മേളനം ബസേലിയോസ്‌ മാര്‍ത്തോമ ദിദിമോസ്‌ പ്രഥമന്‍ വലിയബാവ ഉദ്‌ഘാടനം ചെയ്‌തു. ഡോ. യാക്കോബ്‌ മാര്‍ ഐറേനിയോസ്‌ മുഖ്യപ്രഭാഷണം നടത്തി. ബസേലിയോസ്‌ പൗലോസ്‌ ദ്വിതീയന്‍ കാതോലിക്കാ ബാവ അധ്യക്ഷത വഹിച്ചു. ശതാബ്‌ദിയുടെ ഭാഗമായി കാതോലിക്ക ബാവ പ്രാവിനെ ആകാശത്തേക്കു പറത്തിവിട്ടു.
തുടര്‍ന്ന്‌ കബറിങ്കല്‍ ധൂപപ്രാര്‍ത്ഥനയും സഭാ മെത്രാപ്പോലീത്തമാരുടെ നേതൃത്വത്തില്‍ വിശ്വാസികള്‍ക്കു വാഴ്‌വും നല്‍കി. ഉച്ചയ്‌ക്കു നടന്ന മാര്‍ ഗ്രിഗോറിയോസ്‌ ഓര്‍ത്തഡോക്‌സ് വിദ്യാര്‍ഥി പ്രസ്‌ഥാനസംഗമം കാതോലിക്ക ബാവ ഉദ്‌ഘാടനം ചെയ്‌തു. പൗലോസ്‌ മാര്‍ പക്കോമിയോസ്‌ അധ്യക്ഷത വഹിച്ചു. ഡോ. ടിജുതോമസ്‌ ഐ.ആര്‍.എസ്‌. മുഖ്യപ്രഭാഷണം നടത്തി. ഗീവര്‍ഗീസ്‌ മാര്‍ കൂറിലോസ്‌, എം.ഡി. യൂഹാനോന്‍ റമ്പാന്‍ തുടങ്ങിയവര്‍ പ്രസംഗിച്ചു
