മുഖ്യമന്ത്രിയുടെ ഉറപ്പ്‌ : ഉപവാസം അവസാനിപ്പിച്ചു

മുഖ്യമന്ത്രിയുടെ ഉറപ്പിനെതുടര്‍ന്ന്‌ മലങ്കരസഭ പരമാധ്യക്ഷന്‍ പരിശുദ്ധ ബസേലിയോസ്‌ പൗലോസ്‌ ദ്വിതിയന്‍ കാതോലിക്കാ ബാവ എട്ട്‌ ദിവസമായി കോലഞ്ചേരിയില്‍ നടത്തി വന്ന ഉപവാസസമരം അവസാനിപ്പിച്ചു. പള്ളിയില്‍ ആരാധയര്‍പ്പിച്ച്‌ ഉപവാസം അവസാനിപ്പിനായിരുന്നു താല്‍പര്യപ്പെട്ടിരുന്നതെങ്കിലും 15 ദിവസത്തിനകം തീരുമാനമുണ്ടാക്കാമെന്ന മുഖ്യമന്ത്രി ഉമ്മന്‍ചാണ്ടിയുടെ ഉറപ്പിനേത്തുടര്‍ന്നാണ്‌ ഇന്നലെ രാത്രി 11 മണിയോടെ തീരുമാനമുണ്ടായത്‌. സഭാനേതൃത്വവുമായി രാത്രി വൈകിയും മുഖ്യമന്ത്രി തുടര്‍ന്ന ചര്‍ച്ചയ്‌ക്ക് ഒടുവിലാണ്‌  ഉപവാസം അവസാനിപ്പിക്കാന്‍ തീരുമാനിച്ചത്‌.