മുല്ലപ്പെരിയാര്‍ പ്രശ്നം തമിഴ്നാടിന് വെള്ളവും കേരളത്തിന് സുരക്ഷയും ഉറപ്പാക്കുന്ന വിധം രമ്യമായി പരിഹരിക്കുന്നതിന് അനുകൂലമായ സാഹചര്യം സംജാതമാകുന്നതിനായി ഡിസംബര്‍ 4 ഞായറാഴ്ച പള്ളികളില്‍ പ്രത്യേക പ്രാര്‍ത്ഥന നടത്തണമെന്ന് മലങ്കര സഭാ പരമാദ്ധ്യക്ഷന്‍ പരിശുദ്ധ ബസേലിയോസ് മാര്‍ത്തോമ്മാ പൌലോസ് ദ്വിതീയന്‍കാതോലിക്കാ ബാവാ ആഹ്വാനം ചെയ്തു. മുല്ലപ്പെരിയാര്‍ പ്രശ്നത്തില്‍ ഉത്കണ്ഠാകുലരായ ജനങ്ങളോട് ഐക്യദാര്‍ഢ്യം പ്രഖ്യാപിക്കുന്നതിന് മലങ്കരസഭയുടെ പൌലോസ് മാര്‍ പക്കോമിയോസ്, മാത്യൂസ് മാര്‍ തേവോദോസിയോസ്, ഡോ. മാത്യൂസ് മാര്‍ തീമോത്തിയോസ്, ഡോ. യൂഹാനോന്‍ മാര്‍ ദീയസ്കോറോസ്, ഡോ. യൂഹാനോന്‍ മാര്‍ തോവോദോറോസ് എന്നിവരുടെ നേതൃത്വത്തിലുള്ള സഭാ പ്രതിനിധി സംഘം മുല്ലപ്പെരിയാര്‍ സന്ദര്‍ശിച്ചു.
