മലങ്കര സഭ സ്ഥാപിച്ചതിന്റെ 1960മത് വാര്‍ഷികവും ഇന്ത്യയില്‍ കാതോലിക്കേറ്റ് സ്ഥാപിച്ചതിന്റെ ശതാബ്ദിയും നവംബര്‍ 2 ന് രാവിലെ 11 ന് പരുമല സെമിനാരിയില്‍ നടക്കും. ബസേലിയോസ് മാര്‍ത്തോമ്മാ ദിദിമോസ് പ്രഥമന്‍ വലിയബാവാ ഉദ്ഘാടനം ചെയ്യും. പരിശുദ്ധ ബസേലിയോസ് മാര്‍ത്തോമ്മാ പൌലോസ് ദ്വിതീയന്‍ കാതോലിക്ക ബാവയുടെ അദ്ധ്യക്ഷതയില്‍ ഡോ. സുകുമാര്‍ അഴീക്കോട് മുഖ്യപ്രഭാഷണം നടത്തും. 2012 സപ്തംബര്‍ 15 വരെ ഇടവക, ഭദ്രാസന, സഭാതലങ്ങളില്‍ വിവിധ പദ്ധതികളും പരിപാടികളും സംഘടിപ്പിക്കുമെന്ന് ആഘോഷ കമ്മിറ്റി പ്രസിഡന്റ് അഭിവന്ദ്യ ഡോ. യാക്കോബ് മാര്‍ ഐറേനിയോസ് മെത്രാപ്പോലീത്താ പറഞ്ഞു.
