കോലഞ്ചേരി പള്ളിത്തര്‍ക്കത്തില്‍ നിലപാടു ശക്തമാക്കാന് ഓര്‍ത്തഡോക്‌സ്
സഭാ മാനേജിംഗ്‌ കമ്മിറ്റി യോഗം തീരുമാനിച്ചു. മന്ത്രിസഭാ ഉപസമിതി നടത്തിയ
അവസാനവട്ട ചര്‍ച്ചയിലും പരിഹാരമുണ്ടാകാത്ത സാഹചര്യത്തിലാണു നിലപാടില്‍
ഉറച്ചുനില്‍ക്കാനുള്ള സഭാ നേതൃത്വത്തിന്റെ തീരുമാനം.
അടുത്ത ഞായറാഴ്‌ചയ്‌ക്കുള്ളില്‍ പ്രശ്‌നം പരിഹരിക്കാമെന്നു മുഖ്യമന്ത്രി ഉറപ്പുനല്‍കിയതായി മന്ത്രിസഭാ ഉപസമിതിയുമായി ചര്‍ച്ചനടത്തിയ യൂഹാനോന്‍ മാര്‍ മിലീത്തിയോസ്‌ യോഗത്തെ അറിയിച്ചു. ഇതിന്റെ അടിസ്‌ഥാനത്തില്‍ ഞായറാഴ്‌ചവരെ കടുത്ത തീരുമാനമെടുക്കേണ്ടതില്ലെന്നും യോഗത്തില്‍ തീരുമാനമായി. സര്‍ക്കാര്‍ കോലഞ്ചേരി പള്ളി പ്രശ്‌നത്തില്‍ കോടതിവിധി നടപ്പാക്കാത്തതു സംബന്ധിച്ചു യുക്‌തമായ നിലപാടു സ്വീകരിക്കാന്‍ പരിശുദ്ധ കാതോലിക്കാ ബാവയെ യോഗം ചുമതലപ്പെടുത്തി. പുത്തന്‍കുരിശ്‌ പള്ളിയില്‍ കോടതിവിധി യാക്കോബായ വിഭാഗത്തിന്‌ അനുകൂലമായപ്പോള്‍ അതു നടപ്പാക്കാന്‍ മുന്‍കൈയെടുത്ത സര്‍ക്കാര്‍ കോലഞ്ചേരി പള്ളി പ്രശ്‌നത്തില്‍ കോടതിവിധി നടപ്പാക്കാന്‍ വൈകുന്നത്‌ ഇരട്ടത്താപ്പാണെന്നു യോഗം ചൂണ്ടിക്കാട്ടി.
ഒത്തുതീര്‍പ്പു വ്യവസ്‌ഥയുടെ ഭാഗമായി യാക്കോബായ വിഭാഗത്തിനു നല്‍കാമെന്നു പറഞ്ഞ 45 സെന്റ്‌ സ്‌ഥലത്തിന്റെ കാര്യത്തില്‍ വിട്ടുവീഴ്‌ച വേണ്ടന്നും യോഗം തീരുമാനിച്ചു. അടുത്ത ഞായറാഴ്‌ച കോലഞ്ചേരി പള്ളിയില്‍ ആരാധനയ്‌ക്കു സൗകര്യം ഏര്‍പ്പെടുത്തണമെന്ന്‌ ഓര്‍ത്തഡോക്‌സ് പക്ഷം കഴിഞ്ഞ ചര്‍ച്ചയില്‍ മന്ത്രിസഭാ ഉപസമിതിയോട്‌ ആവശ്യപ്പെട്ടിരുന്നു.
ഈ ആവശ്യത്തില്‍ ഉറച്ചുനില്‍ക്കാനാണു മാനേജിംഗ്‌ കമ്മിറ്റിയുടെ തീരുമാനം. പഴയ സെമിനാരിയില്‍ ചേര്‍ന്ന യോഗത്തില്‍ പരിശുദ്ധ ബസേലിയോസ്‌ മാര്‍ത്തോമ്മാ പൗലോസ്‌ ദ്വിതീയന്‍ കാതോലിക്കാ ബാവ അധ്യക്ഷത വഹിച്ചു. തോമസ്‌ മാര്‍ അത്താനാസിയോസ്‌, ഗീവര്‍ഗീസ്‌ മാര്‍ കൂറിലോസ്‌, ഡോ. സഖറിയാസ്‌ മാര്‍ അപ്രേം, ഫാ. പി.കെ. ഗീവര്‍ഗീസ്‌, എം.ജി. ജോര്‍ജ്‌ മുത്തൂറ്റ്‌, ഡോ.ജോര്‍ജ്‌ ജോസഫ്‌ എന്നിവര്‍ പ്രസംഗിച്ചു.
അടുത്ത ഞായറാഴ്‌ചയ്‌ക്കുള്ളില്‍ പ്രശ്‌നം പരിഹരിക്കാമെന്നു മുഖ്യമന്ത്രി ഉറപ്പുനല്‍കിയതായി മന്ത്രിസഭാ ഉപസമിതിയുമായി ചര്‍ച്ചനടത്തിയ യൂഹാനോന്‍ മാര്‍ മിലീത്തിയോസ്‌ യോഗത്തെ അറിയിച്ചു. ഇതിന്റെ അടിസ്‌ഥാനത്തില്‍ ഞായറാഴ്‌ചവരെ കടുത്ത തീരുമാനമെടുക്കേണ്ടതില്ലെന്നും യോഗത്തില്‍ തീരുമാനമായി. സര്‍ക്കാര്‍ കോലഞ്ചേരി പള്ളി പ്രശ്‌നത്തില്‍ കോടതിവിധി നടപ്പാക്കാത്തതു സംബന്ധിച്ചു യുക്‌തമായ നിലപാടു സ്വീകരിക്കാന്‍ പരിശുദ്ധ കാതോലിക്കാ ബാവയെ യോഗം ചുമതലപ്പെടുത്തി. പുത്തന്‍കുരിശ്‌ പള്ളിയില്‍ കോടതിവിധി യാക്കോബായ വിഭാഗത്തിന്‌ അനുകൂലമായപ്പോള്‍ അതു നടപ്പാക്കാന്‍ മുന്‍കൈയെടുത്ത സര്‍ക്കാര്‍ കോലഞ്ചേരി പള്ളി പ്രശ്‌നത്തില്‍ കോടതിവിധി നടപ്പാക്കാന്‍ വൈകുന്നത്‌ ഇരട്ടത്താപ്പാണെന്നു യോഗം ചൂണ്ടിക്കാട്ടി.
ഒത്തുതീര്‍പ്പു വ്യവസ്‌ഥയുടെ ഭാഗമായി യാക്കോബായ വിഭാഗത്തിനു നല്‍കാമെന്നു പറഞ്ഞ 45 സെന്റ്‌ സ്‌ഥലത്തിന്റെ കാര്യത്തില്‍ വിട്ടുവീഴ്‌ച വേണ്ടന്നും യോഗം തീരുമാനിച്ചു. അടുത്ത ഞായറാഴ്‌ച കോലഞ്ചേരി പള്ളിയില്‍ ആരാധനയ്‌ക്കു സൗകര്യം ഏര്‍പ്പെടുത്തണമെന്ന്‌ ഓര്‍ത്തഡോക്‌സ് പക്ഷം കഴിഞ്ഞ ചര്‍ച്ചയില്‍ മന്ത്രിസഭാ ഉപസമിതിയോട്‌ ആവശ്യപ്പെട്ടിരുന്നു.
ഈ ആവശ്യത്തില്‍ ഉറച്ചുനില്‍ക്കാനാണു മാനേജിംഗ്‌ കമ്മിറ്റിയുടെ തീരുമാനം. പഴയ സെമിനാരിയില്‍ ചേര്‍ന്ന യോഗത്തില്‍ പരിശുദ്ധ ബസേലിയോസ്‌ മാര്‍ത്തോമ്മാ പൗലോസ്‌ ദ്വിതീയന്‍ കാതോലിക്കാ ബാവ അധ്യക്ഷത വഹിച്ചു. തോമസ്‌ മാര്‍ അത്താനാസിയോസ്‌, ഗീവര്‍ഗീസ്‌ മാര്‍ കൂറിലോസ്‌, ഡോ. സഖറിയാസ്‌ മാര്‍ അപ്രേം, ഫാ. പി.കെ. ഗീവര്‍ഗീസ്‌, എം.ജി. ജോര്‍ജ്‌ മുത്തൂറ്റ്‌, ഡോ.ജോര്‍ജ്‌ ജോസഫ്‌ എന്നിവര്‍ പ്രസംഗിച്ചു.
