1995ലെ സുപ്രീംകോടതി വിധിയില്‍ ഇടവക പള്ളികള്‍ക്കു നല്‍കിയിട്ടുള്ള എല്ലാ
അവകാശങ്ങളും സംരക്ഷിക്കുമെന്ന്‌ ഫാ.
ഡോ. ജോണ്‍സ്‌ ഏബ്രഹാം കോനാട്ട്‌.
1934ലെ ഭരണഘടനയില്‍ പറഞ്ഞിട്ടുള്ളതില്‍ കൂടുതലായി ഒരവകാശവും ഇടവകപള്ളികള്‍ക്ക്‌ സുപ്രീംകോടതി നല്‍കിയിട്ടില്ല. അതേ ഭരണഘടനതന്നെ ഇടവകപള്ളികളുടെ കാര്യവും നിയന്ത്രിക്കും എന്നുതന്നെയാണ്‌ 1995ലെ വിധിയില്‍ പറഞ്ഞിരിക്കുന്നത്‌. ഇടവക പള്ളികള്‍ക്ക്‌ കൂടുതലായി അവകാശങ്ങള്‍ സുപ്രീംകോടതി നല്‍കുന്നു എന്ന പാത്രിയര്‍ക്കീസ്‌ വിഭാഗത്തിന്റെ പ്രചാരണം തെറ്റിദ്ധാരണാജനകമാണ്‌.
വ്യവസ്‌ഥാപിതമായി തെരഞ്ഞെടുപ്പു നടത്തി ഭൂരിപക്ഷം ലഭിക്കുന്നവര്‍ക്കു ഭരണം നല്‍കുന്നതിന്‌ സഭ എതിരല്ല. പുത്തന്‍കുരിശു പള്ളിയുടെ കാര്യത്തിലും സഭ കോടതിവിധി മാനിക്കാന്‍ തയാറാണ്‌. സിവില്‍ നടപടി ചട്ടത്തിലെ 92-ാം വ്യവസ്‌ഥ അനുസരിച്ച്‌ അനുമതി നേടാതെ സമര്‍പ്പിക്കപ്പെട്ട പുത്തന്‍കുരിശ്‌ പള്ളി സംബന്ധിച്ച അന്യായം നിലനില്‍ക്കില്ലെന്ന്‌ കോടതി വിധിച്ചു. ഈ കാര്യം പറഞ്ഞ്‌ കോലഞ്ചേരി പള്ളിക്കുവേണ്ടി വിലപേശുന്നത്‌ ശരിയല്ല.
വ്യവസ്‌ഥാപിതമായി പ്രവര്‍ത്തിക്കുന്ന ഏതൊരു സഭയുടെയും സംഘടനയുടെയും ശാഖകള്‍ക്ക്‌ ആ സഭയുടെയും സംഘടനയുടെയും ഭരണഘടനയനുസരിച്ച്‌ പ്രവര്‍ത്തിക്കാന്‍ മാത്രമേ സാധിക്കൂ- അദ്ദേഹം പറഞ്ഞു.
അതേസമയം പള്ളിത്തര്‍ക്കം പരിഹരിക്കാനുള്ള ചര്‍ച്ച വീണ്ടും അലസി.ഇരു സഭാ പ്രതിനിധികളുമായി ഇന്നലെ വൈകി മന്ത്രിസഭാ ഉപസമിതി നടത്തിയ ചര്‍ച്ച പരാജയപ്പെട്ടതോടെ തര്‍ക്കപരിഹാരം അനന്തമായി നീളുകയാണ്‌.ഇരുവിഭാഗങ്ങളും തങ്ങളുടെ നിലപാടുകളില്‍ ഉറച്ചുനിന്നതോടെയാണ്‌ ചര്‍ച്ച വഴിമുട്ടിയത്‌. കോടതിവിധി നടപ്പാക്കാന്‍ സര്‍ക്കാരിന്‌ ഉത്തരവാദിത്തമുണ്ടെന്നും ഭരണകൂടം അതിനു തയാറാകണമെന്നും മലങ്കര സഭാ പ്രതിനിധികള്‍ ആവശ്യമുന്നയിച്ചു. അടുത്ത ഞായറാഴ്‌ചയ്‌ക്കുള്ളില്‍ വിധി നടപ്പാക്കണമെന്നാണ്‌ സഭയുടെ നിലപാട്‌. ഇനി ചര്‍ച്ചയ്‌ക്കില്ലെന്നും സഭ വ്യക്‌തമാക്കി. ഇരു സഭാ പ്രതിനിധികളുമായി ഇതു നാലാം വട്ടമാണ്‌ മന്ത്രിസഭാ ഉപസമിതി ചര്‍ച്ച നടത്തിയത്‌.
1934ലെ ഭരണഘടനയില്‍ പറഞ്ഞിട്ടുള്ളതില്‍ കൂടുതലായി ഒരവകാശവും ഇടവകപള്ളികള്‍ക്ക്‌ സുപ്രീംകോടതി നല്‍കിയിട്ടില്ല. അതേ ഭരണഘടനതന്നെ ഇടവകപള്ളികളുടെ കാര്യവും നിയന്ത്രിക്കും എന്നുതന്നെയാണ്‌ 1995ലെ വിധിയില്‍ പറഞ്ഞിരിക്കുന്നത്‌. ഇടവക പള്ളികള്‍ക്ക്‌ കൂടുതലായി അവകാശങ്ങള്‍ സുപ്രീംകോടതി നല്‍കുന്നു എന്ന പാത്രിയര്‍ക്കീസ്‌ വിഭാഗത്തിന്റെ പ്രചാരണം തെറ്റിദ്ധാരണാജനകമാണ്‌.
വ്യവസ്‌ഥാപിതമായി തെരഞ്ഞെടുപ്പു നടത്തി ഭൂരിപക്ഷം ലഭിക്കുന്നവര്‍ക്കു ഭരണം നല്‍കുന്നതിന്‌ സഭ എതിരല്ല. പുത്തന്‍കുരിശു പള്ളിയുടെ കാര്യത്തിലും സഭ കോടതിവിധി മാനിക്കാന്‍ തയാറാണ്‌. സിവില്‍ നടപടി ചട്ടത്തിലെ 92-ാം വ്യവസ്‌ഥ അനുസരിച്ച്‌ അനുമതി നേടാതെ സമര്‍പ്പിക്കപ്പെട്ട പുത്തന്‍കുരിശ്‌ പള്ളി സംബന്ധിച്ച അന്യായം നിലനില്‍ക്കില്ലെന്ന്‌ കോടതി വിധിച്ചു. ഈ കാര്യം പറഞ്ഞ്‌ കോലഞ്ചേരി പള്ളിക്കുവേണ്ടി വിലപേശുന്നത്‌ ശരിയല്ല.
വ്യവസ്‌ഥാപിതമായി പ്രവര്‍ത്തിക്കുന്ന ഏതൊരു സഭയുടെയും സംഘടനയുടെയും ശാഖകള്‍ക്ക്‌ ആ സഭയുടെയും സംഘടനയുടെയും ഭരണഘടനയനുസരിച്ച്‌ പ്രവര്‍ത്തിക്കാന്‍ മാത്രമേ സാധിക്കൂ- അദ്ദേഹം പറഞ്ഞു.
അതേസമയം പള്ളിത്തര്‍ക്കം പരിഹരിക്കാനുള്ള ചര്‍ച്ച വീണ്ടും അലസി.ഇരു സഭാ പ്രതിനിധികളുമായി ഇന്നലെ വൈകി മന്ത്രിസഭാ ഉപസമിതി നടത്തിയ ചര്‍ച്ച പരാജയപ്പെട്ടതോടെ തര്‍ക്കപരിഹാരം അനന്തമായി നീളുകയാണ്‌.ഇരുവിഭാഗങ്ങളും തങ്ങളുടെ നിലപാടുകളില്‍ ഉറച്ചുനിന്നതോടെയാണ്‌ ചര്‍ച്ച വഴിമുട്ടിയത്‌. കോടതിവിധി നടപ്പാക്കാന്‍ സര്‍ക്കാരിന്‌ ഉത്തരവാദിത്തമുണ്ടെന്നും ഭരണകൂടം അതിനു തയാറാകണമെന്നും മലങ്കര സഭാ പ്രതിനിധികള്‍ ആവശ്യമുന്നയിച്ചു. അടുത്ത ഞായറാഴ്‌ചയ്‌ക്കുള്ളില്‍ വിധി നടപ്പാക്കണമെന്നാണ്‌ സഭയുടെ നിലപാട്‌. ഇനി ചര്‍ച്ചയ്‌ക്കില്ലെന്നും സഭ വ്യക്‌തമാക്കി. ഇരു സഭാ പ്രതിനിധികളുമായി ഇതു നാലാം വട്ടമാണ്‌ മന്ത്രിസഭാ ഉപസമിതി ചര്‍ച്ച നടത്തിയത്‌.
